На працу да Валерыя Мікітка, які быў адным з заяўнікаў на правядзенне пікета за свабодныя выбары, завітала супрацоўніца міліцыі. Яна размаўляла з акітывістам АГП у кабінеце яго начальства. Міліцыянтка, якая адмовілася назваць сваё імя, паведаміла, што завітала па загаду намесніка галоўнага бабруйскага ідэолага – Аляксандра Чарніна.
У артыкуле “Никуда отсюда не уеду!”, які выйшаў у №53 ад 17 траўня 2012 года, прыведзены жыццёвыя гісторыі дзевяці маладых чалавек з розных раёнаў Магілёўшчыны. Усе яны патрапілі па размеркаванню ў сельскую мясцовасць і застаюцца задаволеныя сваім выбарам.
На яго думку, дзяржаўныя органы ў выглядзе праўладнага прафсаюза і Службы аховы прэзідэнта не абаранялі Аляксандра Лукашэнку і ягоную сям’ю ад небяспечных фактараў пры выкананні ім каменных работ на будоўлі аквапарку ў Минску падчас рэспубліканскага суботніка, які адбыўся 21 красавіка.
У пісьмовым адказе, які атрымаў магілёўскі праваабаронца Барыс Бухель за подпісам начальніка Магілёўскага абласнога ўпраўлення Калеева сказана, што пасля прагляду зместу інструкцыі, якую пераслала у Дэпартамент будаўнічая арганізацыя “Прамжылбуд” ніякіх парушэнняў не было выяўлена.
У Бялыніцкім раёне 11 траўня ў мясцовым РАНА адбылася нарада супрацоўнікаў аддзела адукацыі з прыёмнымі бацькамі, якія выхоўваюць дзяцей у прыёмных і апякунскіх сем’ях. Падчас нарады супрацоўнікі аддзела адукацыі заявілі аб тым, што зараз разглядаецца пытанне аб пераразмеркаванні дзяцей паміж прыёмнымі сем’ямі, бо гэта дазволіць сэканоміць бюджэтныя грошы ў памеры сто мільёнаў рублёў. Пра інтарэсы дзяцей і іх прыёмных бацькоў чыноўнікі ад адукацыі не ўзгадвалі.
У сувязі з правядзеннем фестываля “Дажынкі-2012” горацкіх студэнтаў прымушаюць працаваць на будоўлі і ў батанічным садзе. Дакладна вядома, што студэнты другога курса факультэта “Бізнэса і права” былі абавязаны ў перыяд з 16 красавіка па 13 траўня працаваць на карысць акадэміі. Гэтая праца знаходзілася па-за вучэбным планам, заняткі ў гэты перыяд былі “замарожанымі”. Да прагульшчыкаў адміністрацыя акадэміі мусіла ўжываць разнастайныя санкцыі.
Мясцовыя сябры Таварыства беларускай мовы і неабыякавыя бабруйчане вырашылі звярнуцца да старшыні гарвыканкама Дзмітрыя Бонахава з просьбай звярнуць больш пільную ўвагу на стан беларускай мовы. Пад гэты зварот яны ўжо пачалі збіраць подпісы.
У Магілёве ў хуткім часе з’явіцца новы кіраўнік горада. Цяперашні старшыня выканкаму Станіслаў Барадаўка пакіне сваю пасаду ў бліжэйшыя дні. Сярод верагодных кандыдатаў на вакантнае месца разглядаюцца кандыдатуры трох чалавек. Двое з іх ужо вядомы – гэта першы намеснік старшыні гарвыканкама Алег Ліцянкоў і дырэктар прадпрыемства “Бабушкіна крынка” Ігар Кананчук. Трэцяя кандыдатура пакуль невядомая і захоўваецца ў тайне.
