Відэа

Архіў

Красавік 2018
 1
2345678
9101112131415
16171819202122
23242526272829
30 

Звярніце ўвагу

Вітаем Вам на новым сайце! З вясной вас!

Бабруйск: Судовая справа блогера Жалнова яшчэ працягваецца

31.10.2013 Тэгі: суд
Крыніца: ПЦ "Вясна"

30 кастрычніка суддзя Наталля Чарапуха працягнула разгляд справы Алега Жалнова, які судзіцца з супрацоўнікамі ДАІ. Нагадаем, позву на сённяшняе пасяджэнне блогеру прынеслі за пару гадзін да пачатку, прама на працоўнае месца.

На гэтым пасяджэнні зноў былі заслуханы паказанні ўсіх сведкаў, уключна з панятымі Макарэвічам, Капусціным і Панчанкам. Як і раней, супрацоўнікі ДАІ паводзілі сябе разняволена і весяліліся. Падчас пасяджэння маёр Аляксандр Аляксандраў нават дазволіў сабе значна павысіць голас на суддзю, і не атрымаў на гэты конт ніякіх заўваг. “Даішнікі” спакойна адмаўляліся адказваць на пытанні Жалнова, “бо ўжо давалі на гэты конт тлумачэнні”, суддзя з імі пагаджалася.

Наталля Чарапуха адзначыла, што відэа, зробленае Жалновым і яго сынам Аляксеем падчас інцыдэнта, разглядацца не будзе, бо “было зроблена без дазволу”. Такім чынам, на наступным пасяджэнні будзе праглядацца толькі відэа, зробленае інспектарам Аляксандравым і знешняй камерай назірання. Жалноў адзначае, што на гэтых відэаматэрыялах не хапае пэўных важных дэталяў.

Наступнае пасяджэнне адбудзецца 1 лістапада.