Відэа

Архіў

Верасень 2019
 1
2345678
9101112131415
16171819202122
23242526272829
30 

Звярніце ўвагу

Вітаем Вам на новым сайце! З вясной вас!

У Магілёве ўдалося адстояць дамы, якія з’яўляюцца гісторыка-культурнай каштоўнасцю

28.01.2015

У Магілёве дом па вуліцы Лазарэнкі, 15 застаецца ў спісе гісторыка-культурных каштоўнасцяў. Пра гэта паведаміў магілёўскі праваабаронца Уладзімір Краўчанка.

Ён адзначае, што за яго прыйшлося доўга паваяваць, бо магілёўскія чыноўнікі і супрацоўнікі Міністэрства культуры планавалі непапраўнае – вывесці яго са статуса “знаходзіцца пад аховай дзяржавы”, каб новы ўласнік дома рабіў з ім усё, што палічыць патрэбным.

Справа ўжо амаль была даведзена да фінала і неаднаразова анансавалася ў СМІ, пакуль у ход падзей не ўмяшалася Генеральная пракуратура Рэспублікі Беларусь.

-Была пададзена скарга ў Генеральную пракуратуру ад імя Беларускага добраахвотнага таварыства аховы помнікаў з мэтай не дапусціць руйнавання шэрагу будынкаў у Беларусі. У пералік быў уключаны і дом па вуліцы Лазарэнкі, 15. Гэтая сарга мела станоўчы вынік, і дом застаўся ў спісе аб’ектаў, якія з’яўляюцца гісторыка-культурнай спадчынай і ахоўваюцца дзяржавай, - кажа Уладзімір Краўчанка.

Пакуль ішлі разбіральніцтвы -- выводзіць дом з гэтага спісу ці не,новы ўласнік надбудаваў над домам дадатковы паверх, якога ніколі раней не было і які зусім не ўпісваецца ў гістарычнае аблічча дома.

Уладзімір Краўчанка адзначае, што з гэтай нагоды рыхтуе чарговую скаргу. Ад магілёўскіх чыноўнікаў ён будзе патрабаваць знесці гэты паверх і вярнуць будынку першапачатковае гістарычнае аблічча.

Тым часам стала вядома, што ўсе чатыры дамы, якія знаходзяцца на няцотным баку вуліцы Лазарэнкі, захавалі за сабой статус гісторыка-культурных каштоўнасцяў, якога іх хацелі пазбавіць магілёўскія чыноўнікі.

Варта дадаць, што дом па вуліцы Лазарэнкі, 15 з’яўляецца дарэвалюцыйным помнікам грамадзянскай архітэктуры.

Крыніца: Праваабарончы цэнтр "Вясна"